Albisteak ikusi

BasQ-k konputazio kuantikoaren eta superkonputazioaren integrazioari buruzko nazioarteko eztabaidan parte hartu du SC26 kongresuan

Azaroa 17, 2026

Javier Aizpurua, BasQeko zuzendaria, Chicagon (AEB) egin den SC26 – International Conference for High Performance Computing, Networking, Storage and Analysis kongresuan izan da, 2nd Annual Workshop on Large-Scale Quantum-Classical Computing (LSQCC) konferentzian parte hartuz.

SC26

Azaroaren 16tik 20ra ospatutako konferentziak konputazio kuantikoaren eta errendimendu handiko konputazioaren (HPC) arteko integrazioan jarri du arreta, konputazio kuantiko-klasiko hibridoen aukerak, erronkak eta garapen-ildoak aztertzeko.

Javier Aizpurua National Lab Strategies saioan aritu da, BasQ ordezkatuz. Saio horretan, nazioarteko erreferentziazko erakundeetako ordezkariekin batera parte hartu du, besteak beste, Oak Ridge National Laboratory, RIKEN eta Munich Quantum Valley erakundeetako ordezkariekin. Bertan, hainbat ikerketa-erakunde eta superkonputazio-zentrotako ordezkariek beren estrategiak, esperientziak eta lehentasunak partekatu dituzte, konputazio kuantikoa HPC azpiegituretan integratzeko bideak aztertuz.

Topaketak nazioarteko hainbat erakunderen ikuspegiak ezagutzeko eta eskualdeen arteko lankidetza sustatzeko aukera eskaini du, konputazio kuantikoaren eta konputazio klasikoaren arteko sinergiak garatzen jarraitzeko.

BasQen parte-hartzeak Euskadiko ekosistema kuantikoaren nazioarteko ikusgarritasuna indartzen du, eta teknologia kuantikoen eta superkonputazioaren arteko lankidetza sustatzeko egiten ari den lana nabarmentzen du.

Informazio gehiago: SC26 – Supercomputing 2026