Azpiegiturara sarbidea

Enpresak eta Administrazio Publikoak

Erabilgarri dagoen sarbide mota
Sektore publikoko enpresak eta erakundeak BasQ azpiegitura kuantikora sartzeko, protokolo espezifiko bat erabiltzen da, helburutzat duena baliabideak modu efiziente, ekitatibo eta estrategiko batean erabiltzea, inpaktua maximizatuta I+G alorrean, transferentzian, berrikuntzan eta euskal ekosistema kuantikoaren sendotzean.

Deskargatu Protokoloa

Ereduak bereizten ditu hainbat sarbide modalitate, agente motaren arabera.

Betekizunak eta baldintzak

  • Sarbidea hartzen da BasQrekiko lankidetzatzat, eta ekosistemari itzultzeko konpromisoak ezar daitezke (egiturazko konpromisoak edo koiunturalak).  
  • Ebaluazio tekniko-estrategiko bat aplikatuko zaie eskaera guztiei, eta kontuan hartuko da ere erabilgarri dagoen edukiera. 
  • Sarbidea formalizatuko da erakunde eskatzailearen eta Ikerbasqueren arteko lankidetza hitzarmen baten bidez, kontuan harturik konfidentzialtasuna, jabetza intelektuala, erabilera arduratsua eta itzultzeko konpromisoak.  

1. urratsa – Eskaera prestatzea

Eskaeran sartu beharko da gutxienez protokoloan aipatutako informazioa (Eranskina): 

  1. Proiektuaren edo erabilera kasuaren izenburua eta azalpena.
  2. Gutxi gorabehera zer baliabide kuantiko beharko diren (adib., qubit kopurua, zirkuitu sakontasuna, algoritmo mota eta hobetsitako backenda).
  3. Proiektuaren iraupena, gutxi gorabehera.
  4. Parte-hartzaileen eta rolen zerrenda (sarbidea emango zaie soil-soilik proiektuari zuzenean lotutako pertsonei, behar bezala identifikatuak). 
  5. BasQrekiko lankidetza konpromisoak.
  6. Erakundearen datuak (Euskadin duen egoitza/loturari buruzko informazioa eta protokoloaren araberako tipologia).     

2. urratsa – Eskaera bidaltzea

Bidali eskaera posta elektronikoz helbide honetara: access@basquequantum.eus

3. urratsa – Ebaluazioa eta erabakia

Sarbidea Ebaluatzeko Batzordeak ebaluatuko ditu eskaerak, irizpide batzuen arabera: eskatzailearen izaera, inpaktu potentziala, itzulkin zientifiko-teknikoa edo enpresariala, BasQ estrategiarekin bat etortzea eta erabilera kasuaren bideragarritasun teknikoa. 

4. urratsa – Sarbidea formalizatzea

Ebaluazioa aldekoa bada, dagokion hitzarmena izenpetuko da, besteak beste honako hauek jasota: erabilera aldia, baldintza teknikoak (hala badagokio), itzultzeko eta emaitzak argitaratzeko konpromisoak, eta konfidentzialtasun eta jabetza intelektualeko klausulak. 

5. urratsa – Jarraipena

Sarbidea duten erakundeek txosten bat aurkeztu beharko dute urtero (proiektuen zerrenda gisa, ahal dela), garatutako erabilera kasuei buruzko informazio agregatu eta trazagarriarekin, ekosistemaren jardueretan izandako parte-hartzea zehaztuta, aintzat hartuta konfidentzialtasuna eta aplikatu beharreko arautegia. 

Laguntza eta kontaktua

01.

Sarbideari buruzko zalantzak: access@basquequantum.eus

02.

IBM baliabideak (runtime / gorabeherak) erabiltzeari buruzko zalantzak: IBM laguntza IBM Cloud Support Centerren bidez (kasu bat sortuz eta Qiskit Runtime hautatuz).

IBM Quantum