Azpiegiturara sarbidea
Ikerguneak, Zentro Teknologikoak eta Unibertsitateak
Erabilgarri dagoen sarbide mota
BasQ ekosistema garatzeko Ikerbasquerekin lankidetza hitzarmena sinatu duten erakundeek eska dezakete BasQ–IBM sistema kuantikoetara sartzea, prozesu azkar baten bidez, helburu dituena ikerketa proiektuak eta irakaskuntza/prestakuntza jarduerak (adibidez, unibertsitate ikastaroak, tailerrak edo ikasleekin eginiko jarduerak).
Betekizunak
Ikerbasquerekin lankidetza hitzarmena izenpetu izana (egin ez baduzue, aipatu mezuan, eta argibideak emango dizkizuegu).
1. urratsa – Eskaera bidaltzea
Bidali mezu bat helbide honetara: support-qc@dipc.org. Honako hauek aipatuta:
- Proiektuaren edo jardueraren izena eta azalpen laburra (ikerketa, irakaskuntza, prestakuntza, etab.).
- Ahal bada, aipatu zer baliabide kuantiko beharko diren (adib., qubit kopurua, zirkuitu sakontasuna, algoritmo mota).
- Instantziari gehitu nahi zaizkion kolaboratzaileak edo parte-hartzaileak (adib., ikasleak edo lankideak).
Zuen proiektuak zehazki behar badu QPUa ibm_basquecountry (System Two) edo beste backend zehatz bat, aipatu mezuan, sarbide egokia gaitzeko.
2. urratsa – Gonbidapena eta aktibazioa
Eskaera onartzen bada, IBM Cloudren gonbidapena jasoko duzue, bat egin dezazuen Ikerbasqueren “Hub” instantzia batekin. Onartu egin behar duzue, alta amaitzeko.
Laguntza eta kontaktua
Sarbideari buruzko zalantzak: support-qc@dipc.org
IBM baliabideak (runtime / gorabeherak) erabiltzeari buruzko zalantzak: IBM laguntza IBM Cloud Support Centerren bidez (kasu bat sortuz eta Qiskit Runtime hautatuz).
